منتديات اناقة نسائية موقع نسائي شامل   www.anaqh.com  www.anaqh.net  


العودة   منتديات اناقة نسائية موقع نسائي شامل www.anaqh.com www.anaqh.net > الأناقة للأزياء واخر صيحات الموضة والأكسسوارات { 2019/2018 } > الأناقة لأزياء المحجبات والمنقبات 2019/2018

الأناقة لأزياء المحجبات والمنقبات 2019/2018 فساتين محجبات,اناقة المحجبات,لفات حجابات,كولكسن محجبات,البسة للمحجبة العصرية.احدث ملابس للمحجبات2019/2018


نصائح ربط الحجاب وتنسيقه

الأناقة لأزياء المحجبات والمنقبات 2019/2018


إنشاء موضوع جديد إضافة رد
 
أدوات الموضوع انواع عرض الموضوع
قديم 04-23-2011, 12:18 PM   #1
ادارة الموقع
 
الصورة الرمزية miss anaqah
miss anaqah غير متواجد حالياً
معدل تقييم المستوى: 10
miss anaqah is on a distinguished road
افتراضي نصائح ربط الحجاب وتنسيقه


ربطات للحجاب ونصائح جميله

أغلب البنات النهارده محجبات وأصبح اهتمامهم بالحجاب يوازي أو يفوق اهتمامهم بشعرهم، وأصبح البديل

للكوافير والبحث عن قصة جديدة أو لون مختلف هو لف الطرحة بألوان زاهية على آخر موضة.. أشكال ربطات

على هيئة تسريحة شعر "ضفيرة وكحكة"، وأما الأقمشة (دي فيها كلام كتير) "تل" و"شيفون" وترتر

الصبح والضهر وفي كل وقت...

المعادلة الصعبة في كل الحاجات دي ازاي أكون محجبة أحترم "حجابي" وفي نفس الوقت شكلي حلو ستايل

على الموضة ومش "مبهرج" ولافت للنظر لدرجة تثير انتقاد الآخرين..

نصائح الحجاب وتنسيقه

نصائح ذهبية لكل بنت محجبة ازاي تتعامل صح مع الحجاب..
ألوان الموضة في الإيشاربات لصيف 2007؟
لون الطرحة حسب لون اللبس ولكن اللون البني هو الأساس السنة دي وبيدخل معاه البرتقالي, التركواز,

الروز, الزيتي بدرجاته, البني لوحده, البني المحروق مع البني العادي موضة جداً واستخدام الألوان الجديده

وتداخلها بيعطي نتيجة حلوه جداً..

هل البني المحروق ممكن "يغمق" البشرة وخاصة إن لوننا خمري أحياناً مائل للاسمرار؟

نصائح الحجاب وتنسيقه

لا أبداً البني جميل جداً مع كل ألوان البشرة، على فكرة أنا عندي مبدأ إن كل الألوان تليق على البشرة السمراء
أو البيضاء بنفس الدرجة، حكاية إن الروز والموف لا تصلح للبشرة السمراء أو الخمرية أو إنه "بيسمر جدا

ده كلام مش صحيح، النهارده مافيش لون صريح.. الروز له درجات مختلفة وموجودة في كل أنواع المكياج

كمان الموف, والأخضر.. المهم اختيار الدرجة من اللون القريبة من درجة لون البشرة وأكيد هتكون مناسبه
ولا تعطي نتيجة عكسية

ازاي تختاري خامة أو قماش الإيشارب صح؟

نوع القماش أو خامة الإيشارب تعتمد على نوع اللبس، كمان فيه أنواع من الأقمشة من المفضل نتجنبها

حتى لو عجبك لونها أو تطريزها أو نقشتها.. من الأقمشة المزعجة في لبس الحجاب "الأوراجنزا الهايشة"..

ابعدى عن الأقمشة "الناشفة" لأنها صعبة في الربط، خلي عنيكِِ على نوعية الأقمشة الناعمة والأقطان، الحرير

الحرير على قطن، الشيفونات بأنواعها كلها خامات حلوة جداً ومناسبة وعملية والتل كمان... بأكد إن الايشارب
مهم إنه يكون عملي في اللف، ممكن الإيشارب يكون غالي ووحش في ربطته وبعد شوية هتكرهي الايشارب
وهتركنيه على جنب بعد ما غرمتي ثمنه.

نوعية القماش المناسبة والعملية للبنت في الجامعة عشان يكون حجابها مريح وفي نفس الوقت شكلها مش مبهدل

تختار الأقطان والشيفونات المطفية "بدون لمعة".. الأقمشة دي بتستحمل جداً الحركة طول النهار،

فالاقطان فيها ألوان كثيرة وأشكالها حلوة جداً، والقطن على حرير فيه تطريز خفيف حلو كمان وموضة جداً يكون

في طرف الإيشارب تطريز أو ترتر بس المهم يكون "Simple" جداً.. عشان الجامعة ممكن تختار الايشارب

الأقطان المخططة أو المنقوشة، فيه مساحة تنوع النهارده وألوان ينفع تدخل مع بعض تعطي شكل جديد فى كل مره

والتطريز البسيط يعطى جمال ورقة

نصائح الحجاب وتنسيقه

أفكار لحجاب ممكن يناسب لفترة بعد الظهر أو بالليل؟

ممكن تحتفظي بشكل ربطتك اللي بترتاحي معاها والمناسبة لشكل واستدارة الوجه وتستخدمي إكسسوار

مختلف.. حلق كبير، سلسلة فيها دلاية فيها حجر فيروزي، خاتم فضي بفص ملون.. النهارده مافيش لبس

محدد للنهار وآخر لليل، مساحة الحركة تكون إضافة حاجة جديدة للبسك حسب وقت الخروج وطبعاً المناسب للمكان
ازاي البنت المحجبة تختار الربطة المناسبة لشكلها

لازم تعرف هي بتحب إيه، الربطة التقليدية أو الربطة "الاسبانش" المربوطة "على ورا" عشان تكون مرتاحه

ومقتنعة بربطة الإيشارب، ولو هي محجبة جديد ماتستعجلش على نفسها "شوية..... شوية" مش معقول

هتقدر تلف الإيشارب زي واحدة متحجبة من زمان.. البنات بتكتئب وبتزعل قوي عشان شكل حجابها

مش "مظبوط" عشان كده لازم المحجبة جديد تلبس في الأول حجاب ربطته سهلة ولا تستخدم أنواع

ناعمة جداً ممكن تتزحلق بسرعة وتظهر شعرها، ممكن تستخدم الأقطان في البداية لأنها بتثبت، وعشان

تلم شعرهاكويس جداً تلبس "بونيه" قطن ولا تظهره، ومهمته مساعدتها في تثبيت الإيشارب ويمسك الشعركله وتختار ربطه سهله
.
الربطة "الإسبانيش" موضة جداً، ازاي نربطها "صح" خطوة خطوة....؟

أولاً نلبس بونيه قطن يلم الشعر كويس وبعد كده نجيب طرحة مستطيلة لون تاني، فلو إن البونيه بني محروق

تكون الطرحة تركواز تبين جزء من البونيه ونحط الطرحة الثانية بمحاذاة خط البونيه ونربطها على ورا كويس

جداً وممكن نجيب طرحة تانية شيفون مثلاً وتكون لونها بني محروق ونربطها فوق التركواز، بعد كده

نبين جزء منها زي ما عملنا في الخطوة السابقة ونربط كويس جداً، بعد كده نبدأ في ربط أطراف الطرحتين البني

والتركواز بحيث ممكن نربط طرف الأولى مع الثانية والعكس، وإنتِ قدام المرايا هتلاقي نفسك بتربطي

الأطراف، وممكن تبتكري تعملي الأطراف "كحكة" أو تعملي بطرف "كحكة" وتسيبي الطرفين نازلين على

كتفك على حسب ذوق وشكل وجهك.
واليك بالصورة كيفيه ربطها

نصائح الحجاب وتنسيقه

نصيحتى للف الطرح التقليدية؟

لازم تلبسي بونيه قطن وتحطي الإيشارب على حرف البونيه عشان يختفي وتمسكي الطرف القصير بدبوس

مشبك بالطرف الكبير وتلفي الطرف الطويل حول الرأس وتثبتي بالدبابيس، وبلاش أكتر من إيشارب في الاول كفايه لفه بسيطه

ولو عاوزة تدخل ألوان في اللفة التقليدية

زي ما قلنا البونيه وبعد كده الإيشارب على حرف البونيه وبعدها تمسك الطرف القصير بالطرف الطويل

عندالرقبة، وبعد كده الإيشارب الثاني بعده بمسافة من الأول وتمسك أطرافه وتلف طرف الأولى وطرف الثانية

فىاتجاه واحد بشرط طرف يظهر لونه قبل الثاني، أو تحط الطرفين فوق بعض وتلفهم مرة واحدة وتحط دبابيس للتثبيت

نصائح الحجاب وتنسيقه
ممكن تلبسى "بندانا" وتلف الطرحة، ونصيحتي بلاش وضع شريط بلاستيك في مقدمة الطرحة..

ممكن تستخدمي "اسبراي نشا مخصوص للمكوى"، عشان تنشي الطرحة.

إيه رأيك في إضافة الضفيرة من قماش وعمل "الكحكة" بالربطة "الإسبانيش"؟

نصائح الحجاب وتنسيقه

بصراحة لا أفضل الإضافات الكثيرة للحجاب طالما اخترتِ الحجاب عن قناعة لازم تكوني محتشمة وبسيطة

فى نفس الوقت... لازم تتعاملي مع الحجاب وكأنه شعرك وتحبيه عشان شكلك يكون حلو فيه ولما توصلي للدرجه

دي أكيد هتبتكري في الربطات أكثر

نصائح الحجاب وتنسيقه

نصيحتى للعروسة المحجبة؟

تبحث عن لون مناسب لبشرتها يبرز جمال لونها تفكر في موديل مناسب لجسمها وتفكر ازاي يكون شكلها

مختلف وجديد، ومش شرط إن موديل أو ربطة عجبتك إنها ممكن تنفع معاك أو تليق عليك، وكمان تختار حدا

يساعدها في ربط الطرحة لأنه متخصص وبيتحكم أكثر في الربط وله خبرة في ابتكار ربطات جدي







kwhzp vf' hgp[hf ,jksdri

رد مع اقتباس
إضافة رد


جديد مواضيع قسم الأناقة لأزياء المحجبات والمنقبات 2019/2018
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +3. الساعة الآن 12:22 PM.


Powered by vBulletin® Version 3.8.7
Copyright ©2000 - 2018, Jelsoft Enterprises Ltd.